ajebiga, moj blog

Dakle, za one koji neznaju kaj je ajntopf, ne bum objašnjaval.
Za početek, bitno je imati nekolko rekvizitof. Kuhinjske ne bum navodil, oni se spodrazumijevaju. Isto tak i vatra. Šparhet, logorska, primus, tak sejedno. Ono kaj je bitno za opstanak pri nabafki špeceraja su četri bitne stafke: duplonjka, dve patrone s krupnom sačmom (dve su nužne, dobro je imati ih puno više, nikad se ne zna...) i pajser. Dakle, šluk rakiješine i na posel.
Prvo, pripreme su već davno prošle, dobro si poslušal di skiči pajcek tak da znaš di je bilo kolinje. Onak da te ne vidiju dobro si proučil kak su pacali i zdimili meso. Bitno je biti dobro obaveščen. Tak si izabereš dvorišče di znaš da je meseko lepo i dost dugo pacano i di nisu šparali na soli. Ak je gazda zaboravil skuriti f pušnici i koju granu borovice, zaboravi, ni dobro zdimleno. Tulike o mesu. Za zelje se je treba isto tak informijerati kak gospon Bog zapoveda. Ak se špara na soli i ak se malo lišća baca kad se zelje čistilo, zaboravi. Isto tak pazi da nebuš f dvorišče zašel di gazdarica zelje na placu prodaje. Obično i ocat u to ide, a to je greh, kak i Velečasni i dragi Bogek znaju. Za krumpir, grincajg i luk samo pazi da vrt ne zalevaju iz septičke jame. I ti prodajeju na placu. Tak, to si se videl dok je za to bilo vreme, poliznul plajvajs i zapisal. Bedak pamti, spameten piše.
Tak, nojca je došla da se požirak z nečim finim popuni. Z pajserom si već odprl klet za koju znaš da nigdo ne došel i da buš f miru Božjemu jel. Čekaj da lisjak triput zalaje i na posel. Sa su dvorišča i hiže koje treba posetiti zapisana, pak po redu. Pajser je za odpiranje pušnic, podruma i za pese. Duplonjka je za saki slučaj, ak nisi dost tihi bil pak se gazda zbudil, ili ak je prekletu televiziju glel, da ga natrag pošaleš. Ono kaj se drpiti mora je: dve glavice luka, češnjak, kila fino rezanoga kiselog zelja, grincajg, pol kile sušenog pajcekovoga vrata i par kobasic. Dva prsta špeka dobo dimlenoga su kak sveta vodica. Bogmigreheprosti. Z semogućim pajserom si si poslužil selski dućan u jenu uru po ponoći i zel flašicu hrena i flašicu zenfa. Bormeš i papar, sol i ljutu papriku. Ak te i vloviju za to neš dobil više od pet let f Lepijaneru, ni to puno vredno je. Kaj, par kuma. I lepo, z noge na nogu, črez šumu i lug, prek livade i rakite nazaj f kleticu di vatrica već gori. I direktor f bačvici mirno i spokojno, kak Isusek f jaslicama, na tebe čeka. Bogmigreheprosti.
Prvo, direktora iz lagvića f pehar natoči, na stol deni, kupicu natoči, prekriži se, poljubi kupicu i zeksaj.
Nož svoj svagdašnji, dobro nabrušeni z koricah zvadi i luk lepo skosaj. F rajngli malo masti rastopi, onak za pol jušne žlice, tek tulike da dno ne suho bilo i na to luk deni. Čistam polefko i čistam kratko. Nesme ni požuteti, kamli se zgoreti. Proč z vatre ž njim. Naslaži prst debelo zelja na luk. Pajcekof vrat na šnite prst debele zreži i na to poslaži. Med to narivli na prst debelo zrezane komade špeka. Kožu od špeka posebno deni, to neš jel. To buju lisice. Klobase z obadve strane, onak kak na rabošu, ukoso ne preduboko nareckaj i potlem po dužini razrereži. I njih tam nutra med vrat i špek narivli. Na se to deni lepo očišćeni i na velke komade trezani grincajg. Liščobu baci, samo korenje tu nutra ide. Se to skup pak z pol prsta zelja pokrij. Krumpir kaj si ogulil, na pol prsta debele šnitice zrezal sad po tomu nasloži. Dobro posoli, deni papra i z hrenom i senfom nemaži. Naj šparati, Bog te bu kaznil. Se lepo z pol prsta zelja pokrij i z črlenom paprikom fest, ali ne preveč posipaj. Ak si celo ovo vreme zaboravil pehar direktora spiti, se črez oblok moreš hititi, se si zesral i Bog bu te kaznil jer si se coprnice iz celoga kraja na vrat navlekel. Ovo si si prvo moral pročitati! Ak si spameten bil i direktora polefko ali sigurno pol pehara spil, dobro si naredil. Natoči si jenu kupicu i par drevih f šparhet hiti. Sedni se i počini. Zaslužil jesi, ali ne buš dugo mudoladil. Kad si kupicu spraznil, natoči vode da bu pun f pehar di je malo manje od pol litre direktora ostalo i to f rajnglu zlij. Deni na šparhet na laganu vatru i odi delat kaj ti se hoče na tri vure. Naj se napiti, jer buš zaspal o buš onda vuglen jel! Najspametnejše je f selo kakvoj udovici ili raspuštenici otiti. Ali pazi, naj ni vatru pozabiti. Zato odi k jenoj, obavi posel, odi f klet, hiti koje drevo f šparhet, pak odi k drugoj. Ak moreš. Naj više od tri opslužiti jer buš doma četveronoške išel pak te morti f šumi i još koji srnjak naguziti more! Zato duplonjku nigdar pozabiti! Gdar su tri vure i tri udovice ili raspuštenice prešle, odi doma jest. Ne ti žal bilo!

ruza, nije vinko bil macji kasalj, a nisam ni ja :)))))))

prekleti smo ti mi z bregih kaj se pod stare dane po noci z duplonjkom po sumi secemo :))))))

Apchhhiiihhaaaaaa .... ISTINA :-)

hahahahaha medo, politru vina u sebe pa nebus vise kihal. ko lgg

nisi, namazani, a z direktorom znutra zeprani :))))

Trebam prevoditelja , pola toga NE RAZUMIJEM :))))

meni nejde nis, pa ni auto, pa kaj, jos sam ziv :))))))

prevoditelja nema, zemi "Zagorski druidski rijecnik" u izdanju Tajne Druzbe Druidske od Bregih

Nudim pomoć oko auta u zamijenu za prijevod

cuj, jedino ak znas narediti novi auspuh, popravit elektriku i zasvasat sasiju na landroveru iz 70-tih :))))

zakaj je to tak dugo?

zato jer je ante prkacin jedan jako dragi covek i prijatelj. osim toga bbg, kuhanje je, kao i caranje dugotrajan, mukotrpan i vrlo, vrlo zahvalan proces

Eh, mašala,konačno mi ne treba riječnik , a kužim se i u aspufe. U zamjenu za jedan griz tog tvog čuvenog čušpajza nudim protuuslugu. ps. nisam ni udovica ni raspuštenica, kaj se vidi i po nicku.

Traper, ako netko voli stare aute i još k tome terence nije problem to napraviti. Šasiju mogu zavarit ,karoseriju ne (alumini ne varim), sve drugo i nije neki problem....

na listi gostju si odmah :)))))))

Hvala ali molim taj riječnik da se pripremim ....

ok usamljen, dogovoreno, prijevod dobis po zavrsenom poslu :))))

Kaj si se njega sjetil'... Pinta je mrtav, a žena ranjena... izrešetali su ih ko stare kante, po naređenju!

Ja u brda ili ti na more????

znam tee, ali jos je ziv u legendi i tak bu i ostalo. nemre murja ubit legendu, samo coveka :)))))))))))

ocito ti u brda usamljeni jer moja kobila nejde z mesta :)))))

I nije problem doći ali još ne znam zašto idem osim po riječnik, ali šta je ajntopf?????????

jelo od mesa i povrca, spremljeno tak da zmazes samo jednu posudu

Kada sastavljaš listu gostiju???Išao bih u nabavku s tobom zvući zanimljivo iako ne razjmijem sve što piše....

vrlo vjerojatno izmedu bozica i sveta tri kralja, kad zapadne posteni snijeg. jebes planinu ak nije pod snijegom

Usamljen, nedaj se smesti snijegom i vremenskim nepogodama. gdje ima za dvoje ima i za troje, četvero , petero....

Znam, znam

virgin, da i tebe denem na listu? da te rijesim te sramote za svaku postenu zenu zvane djevicanstvo

Kao što rekoh ... nudim pomoć traper.......

no frx usamljen, auto je ionak u radioni a prijevod bus dobil na poruku, ali ne danas jer je to ipak zajeban posel

Na ne oko auta ovaj put ,oko dijevice....

cuj, fala, ali dok je direktora i inih kiselisa milih mi bregof, za djevice, udovice i raspustenice mi jos ne treba pomoc :)))))))

Onda primam instrukcije...

kad se spustim na more, propremi pet, sest djevica, pa bumo i to zbavili

Dok ti dođeš možda samo jedna bude ,ostale budem probao sam riješiti kako tako

just my luck:(((((

Di si Pintarića spukal :-)).

slamka, oprosti, stisnul sam krivi gumb pa se obrisal komentar :((((((. nigdar ne reči nigdar. ak je zelje tak kak veliš, mogel bi i pajser f tvojem dvoru delat :)))))))))